ទៅឆក់ត្រីភ្លាត់ស្នៀតបែរជាឆក់ស្លាប់ខ្លួនឯង
10-May-2016 | ដោយ មែន កំសត់
កណ្ដាល៖ បុរសម្នាក់ទៅឆក់ត្រីបែរជា ភ្លាត់ស្នៀតឆក់ស្លាប់ខ្លួនឯង កាលពីយប់ថ្ងៃទី៨ ខែឧសភា ឆ្នាំ២០១៦ នៅចំណុចបឹងព្រែកធំ មុខវត្តទួល ភូមិព្រែកធំ សង្កាក់ក្បាលកោះខណ្ឌច្បារអំពៅ ។សមត្ថកិច្ចមូលដ្ឋាន បានឲ្យដឹងថា ជនរងគ្រោះឈ្មោះ ខុន សុភា ភេទប្រុស អាយុ៣៨ឆ្នាំ មានទីលំនៅ ភូមិរទាំង ឃុំភូមិធំ ស្រុកកៀនស្វាយ ខេត្តកណ្តាល ។
សមត្ថកិច្ចបន្តថា នៅថ្ងៃទី៨ខែឧសភាឆ្នាំ២០១៦វេលាម៉ោង៩ព្រឹកជនរងគ្រោះបានចេញពីផ្ទះ នៅភូមិធំឃុំភូមិធំស្រុកកៀនស្វាយដើម្បីដើរឆក់ត្រីដូចរាល់ដង។ លុះដល់១១យប់ឈ្មោះសួនគឹមសៀនភេទប្រុសអាយុ៣៧ឆ្នាំបានជិះម៉ូតូ កាត់ផ្លូវបេតុងមុខវត្តទួលដើម្បីទៅទិញទឹកកកហើយបានហៅជនរងគ្រោះ ទៅផឹកនៅផ្ទះ តែជនរងគ្រោះបានស្រែកប្រាប់វិញថាអញទើបតែនឹងចុះរកទេ ហើយឈ្មោះសៀន បានជិះម៉ូតូបាត់ទៅ ។
លុះព្រឹកទ្បើងថ្ងៃទី ៩ ខែឧសភា ប្រពន្ធជនរងគ្រោះបានប្រាប់ប្អូនប្រុសថាអត់ឃើញប្តីមកពីឆក់ត្រី វិញ ហើយប្អូនប្រុសបានដើររក ក៏បានឃើញ សព ដេកស្លាប់នៅលើ អាគុយនិងឧបករណ៍ឆក់ នៅកណ្តាលបឹង រួចបាននាំគ្នាលើកសព មកដាក់មាត់បឹង ធ្វើបុណ្យតាមប្រពៃណី ៕
ចំនួនអ្នកទស្សនា
- ថ្ងៃនេះ5791
- ម្សិលមិញ20231
- សប្តាហ៍នេះ84871
- ខែនេះ106751
- ឆ្នាំនេះ106751
- សរុប20549207